香港獨立倡議委員會回應《立場新聞》案判決

香港獨立倡議委員會強烈譴責 《立場新聞》 編輯鍾沛權及林紹桐因煽動罪名被定罪。今次嘅裁決再一次明確咁顯示政權侵害打壓香港新聞自由同言論自由嘅決心，進一步加強對香港人民嘅壓迫。

殖民時期遺留嘅煽動法被武器化，用以打擊獨立媒體，特別係嗰啲敢於挑戰中國共產黨霸權嘅媒體，進一步加深香港社會嘅白色恐怖。裁決公然違反中共香港政府喺《公民權利和政治權利國際公約》下嘅國際承諾，侵犯公約保障嘅基本言論及新聞自由。

我哋呼籲國際社會追究中國政府持續違反其對香港同國際承諾嘅責任。香港人民嘅自決權以及政治同公民權利必須得到保障。我哋堅定支持與 《立場新聞》 嘅編輯，以及所有喺壓迫下繼續發聲嘅勇敢香港人。

香港獨立倡議委員會繼續履行其使命，倡導香港民主、自由同自決嘅權利。今次嘅裁決，絕不能使追求正義同自由的聲音沉寂。

傳媒查詢

有關傳媒查詢，請透過電郵 media@ichka.org 聯絡鍾翰林及Rex。